خدنا الحب وودانا

خدنا الحب وودانا
على بحر الشوق ورمانا
و سابنا نغرق فية و نعشق الغروب
و الشمس بتودعنا ناوية عالهروب
بعنيها ضحكت لنا و بعتت لنا رسالة
لما القمر طلع لنا قال لنا دى الشمس عمالة
تحكى عن حبكوا وتقول فية مواويل
و انا من كتر عشقكوا ابتديت للحب اميل
اصل اللى زيكوا فى الدنيا دية قليل
حبيب يهجر حبيبة و القلب يبقى عليل
و يشوف فى بعدة عنة المر والمرار والويل
بس انتوا فى الحب ملايكة عايشين
يعنى بصراحة اجمل قلبين
جايين للدنيا دية عاشقين
البحر رد وقال لة
دة حبهم اجمل حكاية
و شوقهم كبير و مالة نهاية
حاضنهم حكولى عاللى فيهم
و عالحب والشوق اللى ماليهم
و أنا من غير ما يحكوا شفت دة فى عينيهم
والنجة العاليا فى السما شايفانا
قاعدة بعيد بس مراقبانا
و كأنها من سنين عرفانا
و كل يوم هى مستنيانا
و بصت لنا و قالت
وحشتونى كنتوا فين وكان فين حبكوا
سبتونى كدة وانا بتعلم منكوا
الهوى والحب عشان اعشق زيكوا
و الليل من كتر فرحة يقول
انا لو بايدى عشانكوا أطول
أصل الحب دة مش معقول
و الهوا يقول انا جاى عشانكوا
ما هو انا ماليش حد غيركوا
اشوف الفرحة باينة فى عينية
و النجوم مع بعضها تتكلم
و يقولوا خلونا من حبكوا نتعلم
دة احنا من غيركوا بنتألم
و بيكوا انتوا للحب نسلم
و الرملة لما تلاقينا
من لهفتها لينا
و من شوقها بتنادينا
و بتسألنا عالتأخير
و لية بعدنا عنها كتير
وأنا معاهم و جنب حبيبى بحبى أطير